Mae Aelodau ac Uwch Reolwyr gyda chyfrifoldebau Corfforaethol yn deall rôl a swyddogaeth y Gwasanaethau Cymdeithasol, pa mor dda mae gwasanaethau’n diwallu anghenion lleol ac yn rhoi blaenoriaeth briodol iddynt

Mae’n hanfodol fel Adran Gwasanaethau Cymdeithasol, ein bod yn derbyn cefnogaeth gan aelodau ac uwch reolwyr y Cyngor. Rydym yn ffodus yng Nghonwy bod yna lefel  ardderchog o ddealltwriaeth a chefnogaeth i’n gwasanaethau. Mae’r Strategaeth Rhianta Corfforaethol yn enghraifft wych i ddangos yr ymrwymiad hwn o gydweithio effeithiol rhwng gwasanaethau’r cyngor.

Strategaeth Rhianta Corfforaethol

Cefndir

• Lluniwyd strategaeth strategol Rhianta Corfforaethol tair blynedd o hyd
• Datblygwyd pum thema allweddol: Cartref, Addysg, Iechyd, Hamdden a Gadael Gofal

Mae Uwch grŵp y ‘Rhieni Corfforaethol’ yn derbyn adroddiad am bob thema bob chwarter

Beth sydd wedi newid?

• Mae pennaeth y gwasanaeth yn arwain ar ddatblygu’r addewidion yr ymrwymwyd iddynt o fewn y cynllun strategol
• Ffocws cryfach ar Blant sy’n Derbyn Gofal a chyfrifoldeb atgyfnerthol ar y Rhiant Corfforaethol

Pa wahaniaeth y mae wedi’i wneud?

Mae enghreifftiau o ddatblygiadau drwy Rianta Corfforaethol yn cynnwys:

• Darparu tocynnau hamdden i blant mewn gofal
• Cynnal digwyddiad i ddathlu Plant sy’n Derbyn Gofal ar 30 Mai 2014
• Mae ymgysylltu â phartneriaid megis iechyd, addysg, hamdden a thai yn gadarnhaol wrth gyflwyno canlyniadau ar gyfer Plant sy’n Derbyn Gofal ac sy’n Gadael Gofal