Ar ddiwedd pob blwyddyn ariannol mae’n ofynnol i Gyfarwyddwr Strategol y Gwasanaethau Cymdeithasol gyhoeddi adroddiad yn amlinellu taith yr Awdurdod Lleol tuag at welliant wrth ddarparu gwasanaethau i drigolion Conwy, i bobl sy’n ceisio gwybodaeth, cyngor a chymorth ac i’r unigolion a’r gofalwyr hynny sy’n derbyn gofal a chymorth. Mae’r adroddiad yn defnyddio gwybodaeth o amrywiaeth o wahanol ffynonellau i ddangos a thystio sut ydym yn hybu lles ac yn sicrhau ein bod bodloni safonau ansawdd. Mae’r adroddiad yn rhan o Fframwaith Perfformiad a Gwella Llywodraeth Cymru ac mae’n rhan annatod o’n gwaith o gynllunio gwasanaethau cymdeithasol, craffu ar yr hyn yr ydym yn ei wneud a’r camau yr ydym yn eu cymryd i wella perfformiad. Mae’r adroddiad hefyd yn galluogi Llywodraeth Cymru i goladu a deall data a thystiolaeth ar ddarpariaeth gofal a chymorth ledled Cymru.
Erbyn hyn mae mwy o bwyslais ar hunanasesu perfformiad, sy’n cynnwys yr hyn y gwnaethom ei gyflawni ac a wnaethom yn dda, a pha welliannau sy’n angenrheidiol, gyda hynny’n seiliedig ar yr adborth a gafwyd gan ddefnyddwyr gwasanaeth, y cyhoedd a phartneriaid. Byddwn yn dweud wrthych am y camau gweithredu sydd wedi’u cynllunio ac sydd eisoes wedi’u cyflawni i sicrhau gwelliannau, a’r cynnydd a wnaed yn ôl y blaenoriaethau gwella a ddynodwyd y flwyddyn flaenorol.
Sylfeini’r Fframwaith Perfformiad a Gwella newydd yw’r wyth safon ansawdd sy’n cynrychioli lles pobl o dan Ddeddf Gwasanaethau Cymdeithasol a Llesiant (Cymru) 2014. Gellir eu rhannu dan bedwar pennawd, a welir wedi eu nodi yn yr adroddiad hwn:
- Pobl
- Atal
- Partneriaethau ac integreiddio
- Lles