Mae gan Gonwy strategaeth Rhianta Corfforaethol tair blynedd er mwyn sicrhau bod yr holl Awdurdodau Lleol yn ymrwymo i’w dyletswydd Rhianta Corfforaethol i Blant sy’n Derbyn Gofal
Mae gan y strategaeth bum thema: Cartref, Addysg, Iechyd, Hamdden a Gadael Gofal
Beth sydd wedi newid?
Mae’r Strategaeth wedi bod yn effeithiol wrth gyflawni addewidion allweddol i Blant sy’n Derbyn Gofal wrth i swyddogion allweddol fod yn atebol am gyflawni’r addewidion. Dyma rai o lwyddiannau allweddol y flwyddyn ddiwethaf:
- Mae gan bob aelwyd sy’n Maethu a phob plentyn mewn gofal Maeth fynediad i docynnau hamdden am ddim. Cynigir tocyn hamdden i bawb sy’n gadael gofal, mae hyn wedi ei ymestyn yn ddiweddar fel y gallant fynd â ffrind hefyd
- Mae cynnydd Addysgol Plant sy’n Derbyn Gofal yn cael ei hyrwyddo drwy’r panel ‘ysgol Rhithwir’
- Mae gan y panel rhianta Corfforaethol drosolwg o’n holl arolygiadau sy’n canolbwyntio ar “Blant sy’n Derbyn Gofal” neu’r ddarpariaeth gofal a ddarperir iddynt
- Roedd y panel Rhianta Corfforaethol wedi comisiynu’r cyngor ieuenctid a grŵp lleisiau Uchel sef grŵp o bobl ifanc mewn gofal i ddatblygu dau fersiwn o’r cynllun sy’n addasi blant. Fel y gall Plant sy’n Derbyn Gofal fod yn glir am yr hyn rydym yn addo ei gyflawni yn yr addewidion
- Mae’r panel Rhianta Corfforaethol wedi comisiynu’r swyddogion i ymgymryd â dadansoddiad o anghenion llety i bobl sy’n gadael Gofal ac ystyried bylchau yn y dyfodol
- Bu gan y panel Rhianta Corfforaethol ddiddordeb ymarferol yn y modd rydym yn hyrwyddo anghenion iechyd corfforol ac emosiynol Plant sy’n Derbyn Gofal
- Mae gan y panel Rhianta Corfforaethol diddordeb ymarferol yn yr ystod o ddewisiadau gofal rydym yn eu darparu i Blant sy’n Derbyn Gofal
Pa wahaniaeth y mae wedi’i wneud?
Mae’r gwaith Rhianta Corfforaethol wedi cael ei gydnabod mewn nifer o’n Arolygiadau AGGCC yn ystod y 12 mis diwethaf fel “Archwiliad Ymddygiad Peryglus a’r Archwiliad Maethu” fel maes arfer da. Mae’r Arolygwyr wedi eu plesio gan elfen cyfranogiad ymrwymiad rhianta corfforaethol Conwy. Dangosir enghraifft o hyn mewn rhai o’r lluniau isod sy’n dangos y gwaith gan grŵp o bobl ifanc mewn gofal i ddatblygu “Fersiwn o’r cynllun Rhianta Corfforaethol sy’n addas i bobl ifanc”.