{"id":1751,"date":"2018-08-07T12:18:19","date_gmt":"2018-08-07T11:18:19","guid":{"rendered":"https:\/\/conwysocialservicesannualreport.org.uk\/?page_id=1751"},"modified":"2018-08-07T12:22:24","modified_gmt":"2018-08-07T11:22:24","slug":"safon-ansawdd-2-gweithio-gyda-phobl-a-phartneriaid-i-ddiogelu-a-hyrwyddo-iechyd-corfforol-a-meddyliol-pobl-au-lles-emosiynol","status":"publish","type":"page","link":"https:\/\/conwysocialservicesannualreport.org.uk\/cy\/adroddiad-2017-18\/safon-ansawdd-2-gweithio-gyda-phobl-a-phartneriaid-i-ddiogelu-a-hyrwyddo-iechyd-corfforol-a-meddyliol-pobl-au-lles-emosiynol\/","title":{"rendered":"Safon Ansawdd 2 – Gweithio gyda phobl a phartneriaid i ddiogelu a hyrwyddo iechyd corfforol a meddyliol pobl a\u2019u lles emosiynol"},"content":{"rendered":"

Rhaglen Codymau Conwy
\n<\/strong>Codymau yw\u2019r achos mwyaf cyffredin o anaf difrifol mewn pobl h\u0177n, a\u2019r rheswm mwyaf cyffredin o orfod mynd i\u2019r ysbyty. Mae Arolwg Llywodraeth Cymru yn dangos bod ofn syrthio yn ffactor arwyddocaol wrth leihau gweithgarwch corfforol a chyfranogiad mewn cymdeithas ymysg oedolion. Rydym yn teimlo nad oes rhaid i godymau fod yn rhan anorfod o fynd yn h\u0177n, ac mae\u2019r t\u00eem Atal Codymau’n gweithio gyda phobl dros 65 oed i helpu i leihau eu perygl o lithro, baglu a chael codwm.\"\"<\/p>\n

Mae\u2019r t\u00eem yn cynnwys pedwar swyddog arbenigol, wedi\u2019u lleoli yn adain Gwybodaeth, Cyngor a Chefnogaeth (IAA) Conwy gyda thimau perthnasol eraill. Maent yn sgrinio\u2019r holl atgyfeiriadau newydd, cynnal asesiadau yn y cartref, nodi ffactorau risg yr unigolyn a gwneud argymhellion. Gall hyn gynnwys cyfeirio at asiantaethau\/gwasanaethau priodol, gan roi cyngor ar beryglon yn y cartref neu awgrymu ymarferion i wella gwytnwch.<\/p>\n

Mae\u2019r t\u00eem yn gweithio gyda phartneriaid yn Iechyd, y Gwasanaeth T\u00e2n ac asiantaethau gwirfoddol i wella ymwybyddiaeth a rhoi gwybodaeth yn y gymuned. Hyd at ddiwedd 2017, roedd 25% o gartrefi gofal wedi cael hyfforddiant ar y pecyn asesiadau risg codymau, ac mae\u2019r holl fferyllfeydd yng Nghonwy wedi cael taflenni, a sefydlwyd cysylltiadau gwerthfawr gydag elusennau a grwpiau cefnogi.<\/p>\n

Rydym yn gweithio yn agos gyda\u2019n cydweithwyr iechyd i sicrhau rhyddhau yn gyflym o’r ysbyty. Y gyfradd oedi wrth drosglwyddo gofal \u2013 pobl yn methu gadael yr ysbyty gan nad oes cefnogaeth iddynt gartref \u2013 yw 0.3% – am bob 1000 o\u2019r boblogaeth sy\u2019n 75 oed neu\u2019n h\u0177n.<\/p>\n

Astudiaeth achos<\/em><\/strong><\/p>\n

Atgyfeiriwyd dynes at y gwasanaeth codymau ar \u00f4l cael codwm a bod yn agos at gael codwm sawl gwaith. Roedd risg y byddai hefyd yn datgymalu aelodau wrth wneud rhai symudiadau. Roedd ei symudedd wedi lleihau yn sylweddol ac roedd mewn perygl o ddioddef codymau pellach.<\/p>\n

Trafododd y Swyddog Codymau ei sefyllfa yn drylwyr gyda hi a chytunwyd y byddai atgyfeiriad i ddosbarthiadau PSI (Hyfforddiant Sadrwydd Osgo) yn fanteisiol. Yn ystod yr adolygiad ff\u00f4n rhai wythnosau yn ddiweddarach, rhoddodd y ddynes wybod iddi ei bod yn mwynhau\u2019r dosbarthiadau yn fawr a dywedodd bod awyrgylch dda yn y gr\u0175p, ac ychwanegodd bod y sesiynau wedi tynnu sylw at gryfder a gwendidau sicr yn ei haelodau\/cyhyrau. Mynegodd ddiddordeb mewn sesiynau nofio am ddim hefyd er mwyn ymarfer ei hymarferion hydrotherapi ar gyfer ei chlun dde. Mewn gwirionedd, mae ei hiechyd cyffredinol wedi gwella cymaint nes ei bod yn ystyried gwyliau gyda\u2019i phartner sy\u2019n rhywbeth nad oedd hi wedi gallu ei wneud ers sawl blwyddyn. Dywedodd hefyd ei bod yn argymell y gwasanaeth i\u2019w ffrindiau sydd wedi cael codwm, gan roi rhif y SPOA iddynt fel y gallant ofyn am asesiad gan y t\u00eem.<\/p>\n

Canolfannau Teuluoedd Conwy<\/strong><\/h3>\n

Rydym yn datblygu Canolfannau Teuluoedd ledled Conwy, i ddarparu cefnogaeth gymunedol a hygyrch, sydd ar gael yn gynharach i deuluoedd, ac yn agored i bob teulu. Mae gennym eisoes Ganolfan Deuluoedd yn Llanrwst sy\u2019n gwasanaethu\u2019r gymuned wledig. Yn seiliedig ar brofiadau\u2019r ganolfan hon, ac ymchwil gyda theuluoedd a darparwyr gwasanaeth, rydym wedi datblygu\u2019r model hwn i\u2019w ledaenu ledled y sir, gyda chyfanswm o bump o Ganolfannau Teuluoedd.
\nBydd gan bob Canolfan Deuluoedd d\u00eem craidd o Weithwyr Cefnogi Teuluoedd a fydd yn dod i adnabod y cymunedau lleol a chreu perthynas gyda phobl a grwpiau eraill sy’n gweithio gyda theuluoedd yn yr ardal. Bydd gwasanaethau eraill yn cael eu darparu o\u2019r Canolfannau Teuluoedd, fel cwnsela teuluoedd a chamdriniaeth ddomestig, gan wneud yn si\u0175r bod teuluoedd yn cael y gefnogaeth y maent ei hangen yn gynharach. Byddwn yn cydweithio i wneud yn si\u0175r ein bod yn cefnogi\u2019r teulu cyfan yn effeithiol. Byddwn yn defnyddio gwirfoddolwyr ac yn rhoi cyfle i gymunedau gymryd rhan. Bydd y Canolfannau Teuluoedd yn cynnal gweithgareddau ac yn darparu bob math o bethau i ddiwallu anghenion y cymunedau. Er enghraifft:<\/p>\n