Mae’r strategaeth Mwy Na Geiriau yn dal i fod yn faes blaenoriaeth i’r cyngor ac rydym wedi ymrwymo i gwblhau’r camau gweithredu ym mlynyddoedd un a dau’r cynllun a pharatoi ar gyfer blwyddyn tri.
Beth sydd wedi newid?
Cyhoeddodd Uned Ymchwil a Gwybodaeth Corfforaethol CBSC fwletin ymchwil o’r enw ‘Yr Iaith Gymraeg ym Mwrdeistref Sirol Conwy’. Mae’r wybodaeth hon yn cael ei chyflwyno yn ôl rhanbarth etholiadol, ardal cyngor cymuned, oedran a dosbarthiad daearyddol. Gofynnodd yr awdurdod hefyd i weithwyr ‘beth yw eich dewis iaith? ‘ Datblygwyd holiadur dwyieithog i’w anfon at bob darparwr gwasanaethau yn yr ardal i ganfod proffil iaith eu staff.
Nododd y Rheolwr Systemau TGCh, sy’n rhan o’r gweithgor a sefydlwyd gan y Cyfarwyddwr Gwasanaethau Cymdeithasol, y grwpiau allweddol canlynol o swyddogion sy’n rhoi cefnogaeth TGCh i Wasanaethau Cymdeithasol:
- Tîm Systemau TG 2
- Tîm Cymorth Technegol TG 2
- E-Lywodraeth (Tîm y We, LLPG, GIS ac EDM)
Mae rheolwyr atebol o’r timau uchod a’r Rheolwr ei hun wedi edrych ar y DVD Mwy na Geiriau.
Mae fersiwn newydd o System Gwybodaeth Rheoli PARIS (V5) yn cael ei phrofi (cyfnod beta) ar hyn o bryd a gall y ‘deilliant i ddefnyddwyr gwasanaeth a gofalwyr fod yn Gymraeg neu Saesneg’.
Tîm Gofal Cwsmer Dwyieithog (h.y. Gwasanaeth pwynt cyswllt cyntaf) yn gofyn cwestiynau allweddol i’r galwr, gan gynnwys dewis iaith. Mae’r wybodaeth hon yn cael ei chofnodi ar y system PARIS (Gwasanaeth Gwybodaeth Reoli) a’i defnyddio gan reolwyr wrth ddyrannu ymarferwyr sy’n gallu cyfathrebu yn newis iaith yr unigolyn.
Datblygwyd canllawiau ynghylch yr hyn yw gwasanaeth ‘Cynnig Gweithredol’.
Dosbarthwyd 220 o gortynnau gwddf i’r holl staff sy’n siarad Cymraeg. Fodd bynnag, soniwyd y byddai’n ddefnyddiol pe bai cortynnau gwddf tebyg ar gyfer Dysgwyr ac rydym wrthi’n prynu’r cortynnau gwddf dysgwyr ar gyfer staff.
Rydym wedi dadansoddi demograffeg Conwy i nodi lefelau siaradwyr Cymraeg yn y boblogaeth a’u mesur yn erbyn lefelau’r siaradwyr Cymraeg yn y gweithlu gofal cymdeithasol yn ei gyfanrwydd. Y diben yw nodi a yw nifer y staff sy’n siarad Cymraeg yn y gweithlu yn cyfateb â lefelau ym mhoblogaeth Conwy. Rydym eisoes yn gwybod bod cyfran siaradwyr Cymraeg yn y sector preifat yn is na chyfran y boblogaeth.
Rhoddir ystyriaeth i sgiliau iaith Gymraeg tîm pryd bynnag y caiff swydd ei hysbysebu – yna trafodir yr asesiad hwn gyda Swyddog Iaith Gymraeg yr awdurdod. Rydym wedi trafod gofynion y fforwm blynyddol gyda’n darparwyr gofal yn y cartref a darparwyr cartrefi preswyl/nyrsio.
Mae’r strategaeth Mwy Na Geiriau wedi ei chynnwys fel rhan o raglen sefydlu gorfforaethol i staff newydd.
Rydym yn sicrhau bod hyfforddiant yn cydymffurfio â Fframwaith Sefydlu Gofal Cymdeithasol y Cyngor Gofal:
Amcan Dysgu 1: egwyddorion a gwerthoedd gofal
- Deall pwysigrwydd yr Iaith Gymraeg a diwylliant Cymreig wrth gefnogi unigolion.
Amcan Dysgu 4: gwrando a chyfathrebu’n effeithiol.
- Deall yr angen i ddiwallu anghenion cyfathrebu ac iaith, dymuniadau a dewisiadau a) unigolion, b) teuluoedd, c) gofalwyr a ch) eraill
- Mae ein cyngor ieuenctid wedi datblygu DVD o’r enw ‘don’t be shy – siarad Cymraeg’ sy’n ymwneud â hyrwyddo’r iaith ymysg pobl ifanc.
http://conwyyouthcouncil.org.uk/dont-be-shy-siarad-cymraeg/
Pa wahaniaeth y mae wedi’i wneud?
Yn gyffredinol mae mwy o ymwybyddiaeth o’r angen i sicrhau ymateb cadarn i gynnig y dewis neu ‘gynnig gweithredol’ yn Gymraeg i’n defnyddwyr gwasanaeth. Rydym yn gwybod bod gwaith i’w wneud yn y sector gofal a’n nod yw cefnogi darparwyr gofal preswyl a gofal yn y cartref drwy hyfforddiant ac annog y gweithlu i fod yn fwy hyderus yn eu defnydd o’r iaith.