Sefydlwyd y Rhaglen Trawsnewid Gofal ym mis Mawrth 2012 drwy adolygu prosesau busnes a Strwythurau Gwasanaeth er mwyn cwrdd â gofynion Deddf Gwasanaethau Cymdeithasol a Lles 2014 a’r heriau ariannol y mae’r adran yn eu hwynebu.
Ar y pryd hwn nodwyd mai ein nod yn y dyfodol fydd darparu gwasanaethau atal trwy fwy o ymgysylltu â phartneriaid er mwyn bodloni gofynion newydd y Ddeddf Gwasanaethau Cymdeithasol a Lles. Cydnabyddir y bydd yn dal angen i ni barhau i gynnig darpariaeth gofal a reolwyd ond mae angen i ataliaeth fod yn llinyn cyson drwy gydol darpariaeth gwasanaethau.
O ganlyniad, datblygwyd strwythur adrannol newydd yng nghyd-destun yr adnoddau ariannol sydd ar gael. Sefydlwyd y strwythur ar 1 Hydref, 2014.
Roedd yr ailstrwythuro’n seiliedig ar y Cysyniadau Ailgynllunio a nodwyd ar ddiwedd Cyfnod Ymchwil y Rhaglen Trawsnewid
- Integreiddio
- Ymateb i Lefelau Diamddiffynedd
- Ymyrryd yn fuan (atal/ail-alluogi) wedi’i anelu at atal tynnu cleieintiaid i dimau arbenigol.
- Fframwaith asesu sy’n cyfateb i gymhlethdod yr achos ac yn canolbwyntio ar y canlyniadau a geisir amdanynt.
- Gweithio mewn partneriaeth
- Beth sydd wedi newid? Mae’r strwythur wedi newid yn sylweddol ac wedi’i rannu’n 2 faes bellach:
1. Plant, Teuluoedd a Diogelu
- Plant sy’n Derbyn Gofal – mae’r maes gwasanaeth hwn yn cynnwys y Gwasanaeth Maethu a Chartref Plant Glan yr Afon. Penderfynwyd adleoli Tir Na Nog i’r Gwasanaeth Anabledd a’r Gwasanaeth Ymgynghorol Personol i’r Gwasanaeth Pobl Ddiamddiffyn.
- Gwasanaeth Ymyriadau Teuluol – Nid oes unrhyw newid sylfaenol yma, ond mae’r Rheolwr Gwasanaeth yn cymryd y cyfrifoldeb am oruchwylio’r Tîm ar Ddyletswydd Brys.
- Gwasanaeth Cyfiawnder Ieuenctid – Nid oes unrhyw newid sylfaenol yma.
- Gwasanaeth Pobl Ddiamddiffyn – Mae hwn yn faes gwasanaeth newydd gyda’r nod o leihau dibyniaeth ar unigolion a theuluoedd. Mae’n cymryd ymagwedd teulu cyfan a phenderfynwyd cael 3 Adran fel a ganlyn:
- Iechyd Meddwl
- Pobl Ddiamddiffyn yn goruchwylio datblygiad y gwasanaeth newydd sy’n targedu’r bobl fwyaf diamddiffyn yn ein cymunedau sy’n gweithio i’w hailgysylltu â’u teuluoedd a / neu rwydweithiau cymorth i leihau niwed ac atal cynnydd mewn anghenion.
- Adnoddau Pobl Ddiamddiffyn. Gwasanaeth a anelwyd at gynyddu arbenigedd staff cymunedol sy’n gweithio i ddarparu cefnogaeth gan ddefnyddio technegau cymell i leihau dibyniaeth a chynyddu’r tebygolrwydd o annibyniaeth trwy weithio mewn partneriaeth.
- Cydlynydd Diogelu Rhag Colli Rhyddid Tymor Byr – penderfynwyd neilltuo adnoddau i ymateb i’r atgyfeiriadau cynyddol.
Ansawdd – Nod y gwasanaeth hwn yw mynd i’r afael â’r swyddogaethau ansawdd yn y gwasanaethau yn ogystal â goruchwylio diogelu a datblygu’r gweithlu. Mae 2 Adran:
- Ansawdd – goruchwylio’r cylch ansawdd ar gyfer pob defnyddiwr gwasanaeth
- Diogelu –tynnu ynghyd hwyluso a goruchwylio Amddiffyn Plant, Swyddogion Adolygu Annibynnol a’r Cydlynydd Amddiffyn Oedolion. Bydd cyfuno’r swyddogaethau hyn yn galluogi ymagwedd gyson tuag at ddiogelu beth bynnag fo’u hoedran.
- Datblygu’r gweithlu yn goruchwylio datblygiad strategaeth gyfathrebu a chynllun gweithlu
2. Gwasanaethau Oedolion a Chymunedol Integredig
Gwasanaethau Anabledd – Darparu gwasanaethau rhychwant oes i’r holl bobl gyda diagnosis o Anabledd. O ganlyniad i waith ymchwil a dealltwriaeth o lwythi achosion, dadansoddiad o’r galw a ragwelir a dymuniad i fuddsoddi yn y blynyddoedd cynnar ac atal dibyniaeth, rhannwyd y gwasanaeth fel a ganlyn:
- Dan 25
- Dros 25
- AdnoddauGwasanaeth Pobl Hyn -Yn cyd-fynd ag Ardaloedd Iechyd Lleol y Dwyrain a’r Gorllewin gyda’r nod o integreiddio gwasanaethau ymhellach o fewn y Canolfannau Lles y Gymuned newydd sy’n datblygu, ac mae 5 ohonynt yn weddill.
Gwasanaeth Lles y Gymuned – Maes gwasanaeth newydd cyffrous arall gyda’r nod o ddatblygu strategaethau i gefnogi pobl i fod yn rhan o’u cymunedau. Y nod yw datblygu gwasanaethau cymunedol a fydd yn cefnogi’r bobl fwyaf diamddiffyn. Mae angen gweithio’n agos gyda’r Trydydd sector a’r sector Annibynnol ac, o ganlyniad, mae’r gwasanaeth yn goruchwylio’r grantiau a ddefnyddir i ymateb i’r strategaeth gomisiynu a’r asesiad anghenion. Mae’r Gwasanaeth hefyd yn gyfrifol am y pwynt cyswllt cyntaf (Un Pwynt Mynediad) ar gyfer gwasanaethau oedolion ac yn goruchwylio ystod o Wasanaethau atal yn weithredol. O ganlyniad, fe’i rhannwyd yn 3 rhan:
- Un Pwynt Mynediad
- Atal
- Trydydd Sector a’r Sector Annibynnol
Pa wahaniaeth y mae wedi’i wneud? Mae cyflwyno’r strwythur newydd wedi arwain at newid mewn polisi ac arfer i ymyrraeth gynharach, cydweithredu a dull ataliol o ddarparu gwasanaethau trwy gyflwyno dulliau amgen o weithio gan felly leihau’r adnoddau ariannol i ddarparu gwasanaethau.
Mae’r strwythur newydd wedi ein galluogi i ddarparu gwasanaeth gwybodaeth a chyngor mwy ymatebol, asesiadau cymesur a rhannu gwybodaeth sy’n galluogi dinasyddion i gael llais a rheolaeth dros eu gofal.
- Y Fframwaith:-
